ആരോൺ ഫിഞ്ച് റിട്ടയര് ചെയ്ത ഒഴിവിൽ പാറ്റ് കമ്മിന്സിനെ ഏകദിന നായകനായി പ്രഖ്യാപിച്ച് ഓസ്ട്രേലിയ. ഓസ്ട്രേലിയയുടെ ടെസ്റ്റ് ടീമിന്റെ നായകന് ആണ് പാറ്റ് കമ്മിന്സ്. ടി20 ലോകകപ്പിന് ശേഷം നവംബര് 17ന് ഇംഗ്ലണ്ടിനെതിരെ ഓസ്ട്രേലിയ മൂന്ന് ഏകദിനങ്ങളിൽ കളിക്കുന്നുണ്ട്. അതാകും പാറ്റ് കമ്മിന്സിന്റെ ഏകദിന ക്യാപ്റ്റനായിട്ടുള്ള ആദ്യ ദൗത്യം.
ജനുവരിയിൽ ദക്ഷിണാഫ്രിക്കയുമായി നാട്ടിൽ തന്നെ ഓസ്ട്രേലിയ കളിക്കുന്നുണ്ട്. അടുത്ത വര്ഷം നടക്കാനിരിക്കുന്ന ഏകദിന ലോകകപ്പിന് വേണ്ടിയുള്ള ടീമിന്റെ ഒരുക്കങ്ങള് ഇനി പാറ്റ് കമ്മിന്സിനെ മുന്നിര്ത്തിയായിരിക്കും.
