ഇന്ത്യയ്‌ക്കെതിരായ ബോർഡർ-ഗവാസ്‌കർ ട്രോഫിയ്‌ക്കിടെ കണങ്കാലിന് പരിക്കേററ്റ ക്യാപ്റ്റൻ പാറ്റ് കമ്മിൻസ് ചാമ്പ്യൻസ് ട്രോഫിയിൽ പങ്കെടുക്കുന്നത് സംശയത്തിൽ ആയിരിക്കുകയാണ്.
അഞ്ച് ടെസ്റ്റുകളുള്ള പരമ്പരയിലുടനീളം 167 ഓവർ ബൗൾ ചെയ്ത കമ്മിൻസ് പരമ്പരയിലെ അവസാന മത്സരം പരിക്ക് സഹിച്ചാണ് കളിച്ചത്. പരിക്കിന്റെ തീവ്രത വിലയിരുത്തുന്നതിനായി കമ്മിൻസ് ഈ ആഴ്ച അവസാനം സ്കാൻ ചെയ്യുമെന്ന് സെലക്ടർമാരുടെ ഓസ്ട്രേലിയൻ ചെയർമാൻ ജോർജ്ജ് ബെയ്‌ലി വെളിപ്പെടുത്തി.
ചാമ്പ്യൻസ് ട്രോഫിക്കുള്ള കമ്മിൻസിൻ്റെ ലഭ്യതയെക്കുറിച്ച് ചോദ്യം ചെയ്തപ്പോൾ, “ഇതുവരെ ശരിക്കും ഉറപ്പില്ല. സ്കാൻ ഫലങ്ങൾ ഞങ്ങളെ എവിടേക്കാണ് നയിക്കുന്നതെന്ന് ഞങ്ങൾ കാത്തിരുന്ന് കാണേണ്ടതുണ്ട്.” എന്ന് അദ്ദേഹം പറഞ്ഞു.
രണ്ടാമത്തെ കുഞ്ഞ് ജനിച്ചതിനാൽ ശ്രീലങ്കയ്‌ക്കെതിരായ രണ്ട് ടെസ്റ്റുകളുടെ പരമ്പരയും കമ്മിൻസിന് നഷ്ടമാകും. ഒപ്പം ചാമ്പ്യൻസ് ട്രോഫിക്ക് മുന്നോടിയായുള്ള പൂർണ്ണ ഫിറ്റ്നസ് ഉറപ്പാക്കാൻ, കാലിന് പരിക്കേറ്റ സഹ പേസർ ജോഷ് ഹേസിൽവുഡിനും ശ്രീലങ്കൻ പരമ്പരയിൽ നിന്ന് വിശ്രമം അനുവദിച്ചു.
ഓസ്‌ട്രേലിയയുടെ ചാമ്പ്യൻസ് ട്രോഫി ഫെബ്രുവരി 22 ന് ഇംഗ്ലണ്ടിനെതിരെയുള്ള മത്സരത്തോടെ ആരംഭിക്കും
