ഏറ്റവും പുതിയ ഐസിസി പുരുഷന്മാരുടെ ടെസ്റ്റ് ബാറ്റർ റാങ്കിംഗിൽ പന്ത് മുന്നോട്ട് കുതിച്ചു. ഇന്ത്യൻ വിക്കറ്റ് കീപ്പർ-ബാറ്റർ ആറാം സ്ഥാനത്തേക്ക് ആണ് ഉയർന്നത. ന്യൂസിലൻഡിനെതിരെ 20, 99 എന്നിങ്ങനെ റൺസ് നേടിയ പന്തിൻ്റെ ഇന്നിംഗ്സുകൾ റാങ്കിംഗിൽ കോഹ്ലിയെ മറികടക്കാൻ അദ്ദേഹത്തെ സഹായിച്ചു.
ഇംഗ്ലണ്ടിൻ്റെ ജോ റൂട്ട് ഒന്നാം സ്ഥാനം നിലനിർത്തിയപ്പോൾ ഇന്ത്യയുടെ യശസ്വി ജയ്‌സ്വാൾ (3), പന്ത് (6), കോഹ്‌ലി (8) എന്നിവർ ആദ്യ പത്തിൽ തുടരുന്നു.
അതേസമയം, പാക്കിസ്ഥാൻ്റെ സൽമാൻ ആഘ തൻ്റെ സ്ഥിരതയാർന്ന പ്രകടനത്തിന് ശേഷം എട്ട് സ്ഥാനങ്ങൾ കയറി കരിയറിലെ ഉയർന്ന 14-ാം സ്ഥാനത്തെത്തി, ബാബർ അസമിനെയും (19-ാം) മുഹമ്മദ് റിസ്‌വാനെയും (21-ാം) മറികടന്ന് ടോപ്പ് റേറ്റഡ് പാകിസ്ഥാൻ ടെസ്റ്റ് ബാറ്ററായി സൽമാൻ മാറി.
പുരുഷന്മാരുടെ ടെസ്റ്റ് ബൗളർ റാങ്കിംഗിൽ, ഇന്ത്യയ്‌ക്കെതിരെ എട്ട് വിക്കറ്റ് നേട്ടത്തിന് ശേഷം ന്യൂസിലൻഡിൻ്റെ മാറ്റ് ഹെൻറി ആദ്യ 10-ൽ ഇടം നേടി.
