പാകിസ്ഥാൻ തങ്ങളുടെ ടി20 അന്താരാഷ്ട്ര പുരുഷ ടീമിന്റെ വൈസ് ക്യാപ്റ്റനായി മുഹമ്മദ് റിസുവാനെ നിയമിച്ചതായി സ്ഥിരീകരിച്ചു. ജനുവരി 12ന് ആരംഭിക്കുന്ന ന്യൂസിലൻഡിനെതിരായ 5 മത്സരങ്ങളുടെ പരമ്പരയിൽ ക്യാപ്റ്റൻ ഷഹീൻ ഷാ അഫ്രീദിയുടെ ഡെപ്യൂട്ടി ആയിരിക്കും റിസ്വാൻ. റിസുവാൻ ഇതാദ്യമായാണ് പാകിസ്താന്റെ വൈസ് ക്യാപ്റ്റൻ ആകുന്നത്.
റിസുവാൻ ഇതുവരെ താൽക്കാലികമായി പോലും പാകിസ്താൻ ടീമിന്റെ ക്യാപ്റ്റൻ ആയിട്ടില്ല. പാക്കിസ്ഥാനുവേണ്ടി 85 ടി20 മത്സരങ്ങൾ കളിക്കുകയും ഒരു സെഞ്ചുറിയും 25 അർധസെഞ്ചുറികളും ഉൾപ്പെടെ 2797 റൺസ് നേടുകയും ചെയ്ത റിസ്വാൻ ടി20 ടീമിന്റെ പ്രധാന ഭാഗമാണ്.
ന്യൂസിലൻഡിനെതിരായ 5 മത്സരങ്ങളുടെ പരമ്പരയോടെ പാകിസ്ഥാൻ ടി20 ലോകകപ്പിനുള്ള തയ്യാറെടുപ്പുകൾ ആരംഭിക്കും.
