ദക്ഷിണാഫ്രിക്കയും പാകിസ്താനും തമ്മിലുള്ള ടെസ്റ്റിൽ ദക്ഷിണാഫ്രിക്കക്ക് ആവേശകരമായ വിജയം. ഇന്ന് നാലാം ദിവസം അവസാന ഇന്നിംഗ്സിൽ 148 റൺസ് ചെയ്സ് ചെയ്ത് ഇറങ്ങിയ ദക്ഷിണാഫ്രിക്ക 99-8 എന്ന നിലയിൽ ആയിരുന്നു. പാകിസ്താന് ജയിക്കാൻ 2 വിക്കറ്റും ദക്ഷിണാഫ്രിക്കയ്ക്ക് ജയിക്കാൻ 49 റൺസും എന്ന നില.
അവിടെ നിന്ന് റബാദയും യാൻസനും ചേർന്ന് ദക്ഷിണാഫ്രിക്കയെ ജയിപ്പിച്ചു. റബാദ പുറത്താകാതെ 31 റൺസും യാൻസൻ പുറത്താകാതെ 16 റൺസും എടുത്തു. പാകിസ്താനായി മുഹമ്മദ് അബ്ബാസ് 6 വിക്കറ്റുകൾ വീഴ്ത്തി.
നേരത്തെ പാകിസ്താൻ ആദ്യ ഇന്നിംഗ്സിൽ 211 റൺസും ദക്ഷിണാഫ്രിക്ക ആദ്യ ഇന്നിംഗ്സിൽ 301 റൺസും ആയുരുന്നു എടുത്തത്. പാകിസ്താൻ രണ്ടാം ഇന്നിംഗ്സിൽ 237 റൺസും എടുത്തു. ഈ ജയത്തോടെ ദക്ഷിണാഫ്രിക്ക ടെസ്റ്റ് ലോക ചാമ്പ്യൻഷിപ്പ് ഫൈനലിന് യോഗ്യത നേടി.
