ഷാര്‍ജ ക്രിക്കറ്റ് സ്റ്റേഡിയത്തില്‍ നടക്കുന്ന പാക്കിസ്ഥാന് ഓസ്ട്രേലിയ ആദ്യ ഏകദിനത്തില്‍ പാക്കിസ്ഥാനു ബാറ്റിംഗ്. ടോസ് നേടിയ പാക് നായകന്‍ ഷൊയ്ബ് മാലിക് ബാറ്റിംഗ് തിരഞ്ഞെടുക്കുകയായിരുന്നു. ഓസ്ട്രേലിയ ഇന്ത്യയെ കീഴടക്കിയെത്തുന്ന ആത്മവിശ്വാസത്തിലാവും കളത്തിലിറങ്ങുക. വിലക്ക് മൂലം സര്‍ഫ്രാസ് അഹമ്മദിന്റെ അഭാവത്തില്‍ ഷൊയ്ബ് മാലിക് ആണ് പാക്കിസ്ഥാനെ നയിക്കുന്നത്.
രണ്ട് പാക് താരങ്ങള്‍ ഇന്ന് ഏകദിന അരങ്ങേറ്റം കുറിയ്ക്കുന്നുണ്ട്. ഷാന്‍ മക്സൂദും മുഹമ്മദ് അബ്ബാസുമാണ് അവര്‍. ഷൊയ്ബ് മാലിക് ഷാന്‍ മക്സൂദിനു ക്യാപ് നല്‍കിയപ്പോള്‍ മുഹമ്മദ് അബ്ബാസിനെ ഏകദിന ടീമിലേക്ക് സ്വാഗതം ചെയ്തത് കോച്ചിംഗ് സ്റ്റാഫംഗം അസ്ഹര്‍ മഹമ്മൂദ് ആണ്
പാക്കിസ്ഥാന്: ഇമാം ഉള്‍ ഹക്ക്, ഷാന്‍ മക്സൂദ്, ഹാരിസ് സൊഹൈല്‍, ഷൊയ്ബ് മാലിക്, ഉമര്‍ അക്മല്‍, മുഹമ്മദ് റിസ്വാന്‍, ഫഹീം അഷ്റഫ്, ഇമാദ് വസീം, മുഹമ്മദ് അമീര്‍, യസീര്‍ ഷാ, മുഹമ്മദ് അബ്ബാസ്
ഓസ്ട്രേലിയ: ഉസ്മാന്‍ ഖവാജ, ആരോണ്‍ ഫിഞ്ച്, പീറ്റര്‍ ഹാന്‍ഡ്സ്കോമ്പ്, ഗ്ലെന്‍ മാക്സ്വെല്‍, മാര്‍ക്കസ് സ്റ്റോയിനിസ്, ഷോണ്‍ മാര്‍ഷ്, അലെക്സ് കാറെ, നഥാന്‍ കോള്‍ട്ടര്‍-നൈല്‍, ജൈ റിച്ചാര്‍ഡ്സണ്‍, നഥാന്‍ ലയണ്‍, ആഡം സംപ
