ദക്ഷിണാഫ്രിക്കയിലെയും സിംബാബ്‍വേയിലെയും പര്യടനത്തിനുള്ള പാക്കിസ്ഥാന്‍ സംഘത്തിലെ ഒരു താരത്തിന് കോവിഡ് സ്ഥിരീകരിച്ചു. ഇന്നലെ പാക്കിസ്ഥാന്‍ ക്രിക്കറ്റ് സംഘത്തിലെ 35 അംഗങ്ങളിലും ടെസ്റ്റ് നടത്തുകയായിരുന്നു. ആരാണ് ഈ താരമെന്ന് ബോര്‍ഡ് പുറത്ത് വിട്ടില്ലെങ്കിലും പാക്കിസ്ഥാന്‍ പേസ് താരം ഹസന്‍ അലിയാണ് ഈ താരമെന്നാണ് സോഷ്യല്‍ മീഡിയയില്‍ നിന്ന് ലഭിയ്ക്കുന്ന സൂചന.
താരത്തിന് വ്യാഴാഴ്ചയും അതിന് രണ്ട് ദിവസത്തിനപ്പുറം വീണ്ടുമൊരു ടെസ്റ്റും നടത്തുമെന്നാണ് അറിയുന്നത്.
