ലോകേഷ് രാഹുലിന്റെ ഫോമില്‍ ആശങ്കയില്ല, കഴിവും ഗുണനിലവാരവുമുള്ള താരമാണ് രാഹുലെന്ന്: ദ്രാവിഡ്

ഇന്ത്യന്‍ താരം കെഎല്‍ രാഹുലിന്റെ ഫോമിനെക്കുറിച്ച് ആശങ്കയില്ലെന്നും താരം ഏറെ കഴിവുള്ളയാളാണെന്ന് വ്യക്തമാക്കി ഇന്ത്യ എ കോച്ച് രാഹുല്‍ ദ്രാവിഡ്. ഇന്ത്യ എ ഇംഗ്ലണ്ട് ലയണ്‍സിനെ 4-1നു ഏകദിന പരമ്പരയില്‍ പരാജയപ്പെടുത്തിയെങ്കിലും രാഹുലിനു മികച്ച ഫോം കണ്ടെത്താനായിരുന്നില്ല. മൂന്ന് മത്സരങ്ങളില്‍ കളിച്ച ലോകേഷ് രാഹുലിന്റെ ഉയര്‍ന്ന സ്കോര്‍ 42 റണ്‍സായിരുന്നു. മറ്റു മത്സരങ്ങളില്‍ 13, 0 എന്നിങ്ങനെയായിരുന്നു താരത്തിന്റെ സംഭാവന.

താരത്തിന്റെ ഫോമില്‍ തനിക്ക് യാതൊരു വിശ്വാസക്കുറവുമില്ലെന്ന് പറഞ്ഞ ദ്രാവിഡ് കെഎല്‍ രാഹുല്‍ അന്താരാഷ്ട്ര തലത്തില്‍ മൂന്ന് ഫോര്‍മാറ്റുകളിലും കഴിവ് തെളിയിച്ച താരമാണ്. ഈ മൂന്ന് ഫോര്‍മാറ്റിലും ശതകം നേടിയിട്ടുള്ള താരവുമാണ് ലോകേഷ് എന്ന് ദ്രാവിഡ് പറഞ്ഞു. അതിനാല്‍ തന്നെ ഫോമില്‍ ആശങ്കയില്ലെന്ന് രാഹുല്‍ ദ്രാവിഡ് പറഞ്ഞു.

Previous articleഇനിഗോ പോയാൽ എന്ത്, ചെന്നൈയിനിൽ പകരം എത്തുന്നത് ആസ്റ്റൺ വില്ലയ്ക്ക് കളിച്ച താരം
Next articleഅവസാന ഓവറില്‍ വിജയം, ടി20 പരമ്പരയില്‍ ഒപ്പം പിടിച്ച് നേപ്പാള്‍, ഇനി നിര്‍ണ്ണായകമായ മൂന്നാം മത്സരം