സഖ്‍ലൈന്‍ മുഷ്താഖ് ലോകോത്തര ബൗളറായിരുന്നുവെന്ന് അഭിപ്രായപ്പെട്ട് ഹര്‍ഭജന്‍ സിംഗ്. ഒരാള്‍ക്കും താരം എറിയുന്ന ദൂസര തിരിച്ചറിയുവാന്‍ സാധിച്ചിരുന്നില്ല. സഖ്‍ലൈന്‍ ശരിയായ മാച്ച് വിന്നറായിരുന്നുവെന്നും ഹര്‍ഭജന്‍ സിംഗ് വിലയിരുത്തി. മത്സരത്തിന്റെ 45-50 ഓവറില്‍ പന്തെറിയുവാന്‍ എത്തി തന്റെ ടീമിനെ വിജയത്തിലേക്ക് നയിക്കുവാന്‍ കഴിവുള്ള താരമായിരുന്നു സഖ്‍ലൈന്‍.
ആ സാഹചര്യത്തിലെത്തി കൃത്യതയോടെ പന്തെറിഞ്ഞ് ടീമിന് ഒന്നോ രണ്ടോ വിക്കറ്റ് നേടുക മാത്രമല്ല ടീമിന്റെ വിജയവും ഉറപ്പാക്കിയാവും മിക്കവാറും സഖ്‍ലൈന്‍ തന്റെ സ്പെല്‍ അവസാനിപ്പിക്കാറെന്ന് ഹര്‍ഭജന്‍ സിംഗ് അഭിപ്രായപ്പെട്ടു.
