താനും ജെയിംസ് ആന്ഡേഴ്സണും തമ്മില് യാതൊരുവിധത്തിലുള്ള മത്സരബുദ്ധിയുമില്ലെന്നും അതിനാല് തന്നെയാണ് ഞങ്ങള്ക്കുടെ കോമ്പിനേഷന് മികച്ച രീതിയില് മുന്നോട്ട് പോകുന്നതെന്നും പറഞ്ഞ് സ്റ്റുവര്ട് ബ്രോഡ്. തനിക്കും ജെയിംസ് ആന്ഡേഴ്സണും തമ്മില് എന്ത് വേണമെങ്കിലും ചര്ച്ച ചെയ്യാമെന്നതാണ് ഞങ്ങളുടെ ഏറ്റവും വലിയ ശക്തിയെന്ന് സ്റ്റുവര്ട് ബ്രോഡ് പറഞ്ഞു.
നമ്മള് രണ്ട് പേരും മത്സരബുദ്ധിയോടെയാണ് മത്സരങ്ങളെ സമീപിക്കുന്നതെങ്കിലും അത് നമ്മള് തമ്മില് അല്ലെന്നും അത് തന്നെയാണ് ഞങ്ങളുടെ വിജയമെന്നും ബ്രോഡ് പറഞ്ഞു. ടീമിന് വേണ്ടി പത്ത് വിക്കറ്റ് നേടണമെന്ന ചിന്തയോടെയാണ് ഇരുവരും മത്സരത്തില് ഇറങ്ങുന്നത്. പരിശീലനത്തിലും മത്സരത്തിലും ഇതേ സമീപനത്തോടെയാണ് ഞങ്ങള് ഇറങ്ങാറെന്നും ബ്രോഡ് പറഞ്ഞു.
ഇതേ പോലെയായിരുന്നു തന്റെ കരിയറിന്റെ തുടക്കത്തില് ഡാരന് ഗഫും ആന്ഡ്രൂ കാഡിക്ക് എന്നും അത് ടീമിന് ഏറെ ഗുണം ചെയ്തുവെന്നും ആന്ഡേഴ്സണ് വ്യക്തമാക്കി. ഇരുവരും ഇന്സ്റ്റാഗ്രാമിലെ ലൈവ് സെഷനിലാണ് ഇക്കാര്യങ്ങള് വിശദമാക്കിയത്.
