ഹാമിൽട്ടണിൽ നടക്കുന്ന മൂന്നാം ടെസ്റ്റിൽ ന്യൂസിലൻഡ് ആധിപത്യം പുലർത്തുന്നു. അവർ ഇംഗ്ലണ്ടിന് 658 റൺസിൻ്റെ കൂറ്റൻ വിജയലക്ഷ്യം വെച്ചിരിക്കുകയാണ്. ഇംഗ്ലണ്ട് മൂന്നാം ദിനം കളി അവസാനിക്കുമ്പോൾ 18/2 എന്ന നിലയിൽ തകരുകയാണ്. ഒപ്പം ക്യാപ്റ്റൻ ബെൻ സ്റ്റോക്സിന് പരിക്ക് ആയതിനാൽ ബാറ്റു ചെയ്യുമോ എന്നതും ഇംഗ്ലണ്ടിന് ആശങ്ക നൽകുന്നു.
കെയ്ൻ വില്യംസണിൻ്റെ 155 റൺസും ഡാരിൽ മിച്ചലിൻ്റെ 60 റൺസും ചേർന്ന് ന്യൂസിലൻഡിനെ രണ്ടാം ഇന്നിംഗ്സിൽ 453 റൺസ് സ്കോറിലേക്ക് നയിച്ചു. ഓപ്പണർമാരായ ബെൻ ഡക്കറ്റിനെയും സാക് ക്രാളിയെയും ടിം സൗത്തിയും മാറ്റ് ഹെൻറിയും നേരത്തെ പുറത്താക്കിയതോടെ ഇംഗ്ലണ്ടിൻ്റെ ചേസ് തുടക്കത്തിൽ തന്നെ പതറിയിരിക്കുകയാണ്.
