2024ലെ ഐസിസി പുരുഷ ടി20 ലോകകപ്പിന് മുന്നോടിയായി മുൻ പാകിസ്ഥാൻ സ്പിന്നർ മുഷ്താഖ് അഹമ്മദിനെ ബംഗ്ലാദേശ് കോച്ചിംഗ് സ്റ്റാഫിലേക്ക് ചേർത്തു. സിംബാബ്‌വെയ്‌ക്കെതിരായ ടി20 ഐ പരമ്പരയ്ക്ക് മുന്നോടി ബംഗ്ലാദേശ് പുരുഷ ടീമിൻ്റെ സ്പിൻ ബൗളിംഗ് കോച്ചായി മുഷ്താഖ് അഹമ്മദ് ചേരും. വെസ്റ്റ് ഇൻഡീസിലും യുഎസ്എയിലും നടക്കുന്ന ഐസിസി ടി20 ലോകകപ്പ് 2024 അവസാനം വരെ ഈ റോളിൽ അദ്ദേഹം തുടരും.
മുമ്പ് ഇംഗ്ലണ്ട് (2008-2014), വെസ്റ്റ് ഇൻഡീസ് (2018-19), പാകിസ്ഥാൻ (2020-22) എന്നീ ടീമുകളുടെ സ്പിൻ ബൗളിംഗ് പരിശീലകനായിരുന്ന അഹമ്മദിന് പരിശീലന രംഗത്ത് പരിചയമ സമ്പത്തുണ്ട്.
ടി20 ലോകകപ്പിനുള്ള വെസ്റ്റ് ഇൻഡീസിലും യുഎസ്എയിലും ഉള്ള സാഹചര്യങ്ങൾ സ്പിന്നിനെ സഹായിക്കുമെന്ന് പ്രതീക്ഷിക്കുന്നതിനാൽ ആണ് ഈ നിയമനം.
“ഒരു സ്പിൻ ബൗളിംഗ് പരിശീലകനെന്ന നിലയിൽ ബംഗ്ലാദേശ് ക്രിക്കറ്റ് ടീമിൻ്റെ ഭാഗമാകാൻ കഴിഞ്ഞത് എനിക്ക് വലിയ അംഗീകാരമാണ്, ”ബിസിബി പുറത്തിറക്കിയ പ്രസ്താവനയിൽ മുഷ്താഖ് അഹമ്മദ് പറഞ്ഞു.
