ഇംഗ്ലണ്ടിന് എതിരായ ടെസ്റ്റ് പരമ്പരയിലെ ആദ്യ രണ്ട് മത്സരങ്ങളിൽ മുഹമ്മദ് ഷമി കളിക്കില്ല എന്ന് ഉറപ്പായി. താരത്തിന്റെ പരിക്ക് ഇനിയിം ഭേദമായിട്ടില്ല. ഇതിനാൽ ഇംഗ്ലണ്ടിനെതിരായ ആദ്യ രണ്ട് ടെസ്റ്റ് കൂടെ ഷമിക്ക് നഷ്ടമാകും എന്നാണ് റിപ്പോർട്ട്. മൂന്നാം ടെസ്റ്റ് മുതൽ ഷമി ടീമിൽ എത്തും എന്നാണ് പ്രതീക്ഷ. അഞ്ച് ടെസ്റ്റ് മത്സരങ്ങളുടെ പരമ്പരയാണ് ഇന്ത്യ ഇംഗ്ലണ്ടിനെതിരെ കളിക്കുന്നത്.
ആദ്യ ടെസ്റ്റ് ജനുവരി 25നാണ് ആരംഭിക്കുക. രണ്ടാം ടെസ്റ്റ് ഫെബ്രുവരി 2നും നടക്കും. ഇതിനകം ദക്ഷിണാഫ്രിക്കയ്ക്ക് എതിരായ പരമ്പര മുഹമ്മദ് ഷമിക്ക് നഷ്ടമായിരുന്നു. ലോകകപ്പിന് ശേഷം ഷമി ഇന്ത്യക്ക് ആയി കളിച്ചിട്ടില്ല. ലോകകപ്പിൽ ഏറ്റവും കൂടുതൽ വിക്കറ്റുകൾ നേടിയ താരമായിരുന്നു മുഹമ്മദ് ഷമി.
