ഓസ്ട്രേലിയൻ പേസർ മിച്ചൽ ജോൺസന്റെ ഹോട്ടൽ റൂമിൽ പാമ്പ്. ലഖ്നൗവിൽ ഉള്ള താരം തന്റെ റൂമിൽ കണ്ട പാമ്പിന്റെ ചിത്രം ഇന്ന് സോഷ്യൽ മീഡിയയിലൂടെ പങ്കുവെച്ചു. ലെജൻഡ്സ് ലീഗ് ക്രിക്കറ്റ് ടി20 ടൂർണമെന്റ് കളിക്കാൻ ആണ് ജോൺസൺ ഇന്ത്യയിൽ എത്തിയത്. ഇന്ത്യ ക്യാപിറ്റൽസിനായാണ് താരം കളിക്കുന്നത്.
ഹോട്ടൽ മുറിയിൽ നിന്നുള്ള പാമ്പിന്റെ ഫോട്ടോ പങ്കിട്ട ശേഷം അത് ഏത് തരത്തിലുള്ളതാണെന്ന് തിരിച്ചറിയാൻ ആകുന്നുണ്ടോ ആരാധകരോട് താരം ചോദിച്ചു. ലഖ്നൗവിലേ താമസം ഗംഭീരം ആണെന്ന് അദ്ദേഹം പരിഹസിച്ചു. ഇൻസ്റ്റ ഗ്രാമിലൂടെ ആണ് താരം ഈ ചിത്രങ്ങൾ പങ്കുവെച്ചത്.
