ഇംഗ്ലണ്ടിനെതിരെയുള്ള ആദ്യ ടെസ്റ്റില്‍ പാക്കിസ്ഥാന്‍ രണ്ട് സ്പിന്നര്‍മാരെ ഉപയോഗിച്ചേക്കാമെന്ന സൂചന നല്‍കി കോച്ച് മിസ്ബ ഉള്‍ ഹക്ക്. മാഞ്ചസ്റ്ററിലെ ആദ്യ ടെസ്റ്റിലെ പിച്ച് സ്പിന്നിന് അനുകൂലമായേക്കാം എന്ന പ്രതീക്ഷയാണ് ടീമിനെ ഇത്തരമൊരു നീക്കത്തിലേക്ക് നയിക്കുന്നതെന്നാണ് അറിയുന്നത്.
പ്രധാന സ്പിന്നര്‍ യസീര്‍ ഷായ്ക്കൊപ്പം ആരേയാകും പാക്കിസ്ഥാന്‍ രണ്ടാം സ്പിന്നര്‍ ആയി ഉപയോഗിക്കുക എന്നതാണ് പ്രധാനം. ഷദബ് ഖാനിനെയാവും ടീം ഉപയോഗിക്കുക എന്നാണ് അറിയുന്നത്. അതോടൊപ്പം തന്നെ ഫവദ് അലം പാക്കിസ്ഥാന്‍ ടീമില്‍ ഇടം പിടിക്കുവാന്‍ ഇനിയു കാത്തിരിക്കണം എന്ന സൂചനയാണ് മിസ്ബ നല്‍കുന്നത്.
