ന്യൂസിലാണ്ട് ലോക ടെസ്റ്റ് ചാമ്പ്യന്‍ഷിപ്പ് വിജയിക്കുമെന്ന് പ്രവചിച്ച തന്നെ കളിയാക്കിയ ആയിരക്കണക്കിന് ഇന്ത്യന്‍ ആരാധകര്‍ തന്നോട് മാപ്പ് പറയേണ്ടതുണ്ടെന്ന് പറഞ്ഞ് മുന്‍ ഇംഗ്ലണ്ട് നായകൻ മൈക്കൽ വോൺ. വോണും അലിസ്റ്റര്‍ കുക്കും വിജയം ന്യൂസിലാണ്ടിനൊപ്പമായിരിക്കുമെന്ന് പ്രവചനം നടത്തിയിരുന്നു. അന്ന് വോണിനോട് സോഷ്യൽ മീഡിയയിൽ ഇന്ത്യന്‍ ആരാധകര്‍ നടത്തിയ പ്രതികരണങ്ങളാകും താരം ഇപ്പോള്‍ പുതിയ ട്വീറ്റിടുവാന്‍ കാരണമായിരിക്കുന്നത്.
I think I may need a few apologies from the thousands of Indian fans in a few hours for my awful prediction that NZ would win the Test championship final … #OnOn #TestChampionshipFinal
— Michael Vaughan (@MichaelVaughan) June 23, 2021
തന്റെ പ്രവചനം ശരിയായതിൽ ചില ആരാധകര്‍ക്കെങ്കിലും തന്നോട് മാപ്പ് പറയണമെന്ന് തോന്നുന്നുണ്ടെന്നാണ് താന്‍ കരുതുന്നതെന്നാണ് മൈക്കൽ വോൺ വ്യക്തമാക്കിയത്. ഇതാദ്യമായാല്ല മൈക്കൽ വോൺ ഇന്ത്യന്‍ ആരാധകര്‍ക്ക് പ്രകോപനം സൃഷ്ടിക്കുവാനുള്ള ട്വീറ്റുകളുമായി എത്തുന്നത്. 2019 ലോകകപ്പ് സെമിയിലും ഇന്ത്യയെ ന്യൂസിലാണ്ട് പരാജയപ്പെടുത്തുമെന്നാണ് വോൺ പ്രവചിച്ചത്.
