അഞ്ചാം ഏകദിനത്തില്‍ വിജയം കുറിയ്ക്കുവാന്‍ ഇംഗ്ലണ്ട് പാടുപെടുമെന്ന് ഉറപ്പ്. ആദ്യം ബാറ്റ് ചെയ്ത ശ്രീലങ്ക 366/6 എന്ന പടുകൂറ്റന്‍ സ്കോറാണ് ഇംഗ്ലണ്ടിനു മുന്നില്‍ വെച്ചിരിക്കുന്നത്. നാല് താരങ്ങള്‍ അര്‍ദ്ധ ശതകങ്ങള്‍ നേടിയ ലങ്കന്‍ ഇന്നിംഗ്സിലെ ടോപ് സ്കോറര്‍ നിരോഷന്‍ ഡിക്ക്വെല്ലയാണ്. 95 റണ്‍സാണ് താരം നേടിയത്. ദിനേശ് ചന്ദിമല്‍ 80 റണ്‍സ് നേടിയപ്പോള്‍ സദീര സമരവിക്രമ(54), കുശല്‍ മെന്‍ഡിസ്(56) എന്നിവരും മികച്ച ബാറ്റിംഗ് പുറത്തെടുത്തു. 33 പന്തില്‍ നിന്ന് 56 റണ്‍സാണ് കുശല്‍ മെന്‍ഡിസ് നേടിയത്.
ഇംഗ്ലണ്ടിനായി ടോം കറനും മോയിന്‍ അലിയും രണ്ട് വീതം വിക്കറ്റ് നേടി.
