അഡിലെയ്ഡ് ടെസ്റ്റിന് ശേഷം നാട്ടിലേക്ക് മടങ്ങുന്ന വിരാട് കോഹ്‍ലിയുടെ അഭാവം ബോര്‍ഡിന് മേല്‍ സാമ്പത്തിക നഷ്ടം സൃഷ്ടിക്കുകയില്ലെന്ന് അറിയിച്ച് ക്രിക്കറ്റ് ഓസ്ട്രേലിയ സിഇഒ നിക്ക് ഹോക്ലി. കോഹ്‍ലി പരമ്പരയുടെ മാര്‍ക്കറ്റിംഗിനായി ഏറെ പ്രാധാന്യമുള്ള താരമാണെങ്കിലും താരത്തിന് ആദ്യ ടെസ്റ്റിന് ശേഷം നാട്ടിലേക്ക് മടങ്ങുവാന്‍ ബോര്‍ഡ് അവസരം നല്‍കിയിട്ടുണ്ട്. തന്റെ കുഞ്ഞിന്റെ ജനനവുമായി ബന്ധപ്പെട്ടാണ് താരം നാട്ടിലേക്ക് മടങ്ങുന്നത്.
വിരാടിന്റെ തീരുമാനത്തെയുെ താരത്തിന് ലീവ് നല്‍കിയ ബിസിസിഐ തീരുമാനത്തെയും താന്‍ ബഹുമാനിക്കുന്നുവെന്ന് നിക്ക് വ്യക്തമാക്കി. ഏകദിനത്തിലും ടി20യിലും ആദ്യ ടെസ്റ്റിലും താരത്തിന്റെ സേവനമുണ്ടാകുമെന്നത് തന്നെ വളരെ വലിയ കാര്യമാണെന്നും അദ്ദേഹത്തിന്റെ അഭാവം ബോര്‍ഡിന് യാതൊരുവിധ സാമ്പത്തിക നഷ്ടവും സൃഷ്ടിക്കില്ലെന്നും നിക്ക് ഹോക്ലി പ്രത്യാശ പ്രകടിപ്പിച്ചു.
