ശുഭ്മാൻ ഗില്ലിന് പിന്തുണയുമായി കെ എൽ രാഹുൽ. ആദ്യ ഇന്നിംഗ്സിൽ പെട്ടെന്ന് പുറത്തായ ഗിൽ അവസാന 13 ഇന്നിങ്സിൽ അർധ സെഞ്ച്വറി നേടിയിട്ടില്ല. ഒരു വർഷം മുമ്പായിരുന്നു അവസാനം ഗിൽ ഒരു ടെസ്റ്റ് സെഞ്ച്വറി നേടിയത്. അതുകൊണ്ട് തന്നെ ഗില്ലിന് എതിരെ വലിയ വിമർശനമാണ് ഉയരുന്നത്.
“ശുബ്മാന് ആദ്യ ദിവസം കളിയുടെ അവസാനം വരെ പ്രതിരോധിക്കേണ്ട ഒരു സാഹചര്യത്തിലാണ് ക്രീസിൽ എത്തേണ്ടി വന്നത്. ചിലപ്പോൾ നിങ്ങൾ അങ്ങനെയൊരു മാനസികാവസ്ഥയിൽ എത്തുമ്പോൾ, നിങ്ങൾക്ക് അതിൽ നിന്ന് രക്ഷപ്പെടുക പ്രയാസമായിരിക്കും. ആ ഡിഫൻസിൽ നിന്ന് മാറാൻ അദ്ദേഗത്തിന് ഒരു ഷോട്ട് മതിയായിരുന്നു. അത് വന്നില്ല.” രാഹുൽ പറഞ്ഞു.
“ഞാൻ പറഞ്ഞതുപോലെ, അവൻ ഫോമിലേക്ക് എത്തും. അവൻ ഒരു ക്ലാസ് ക്രിക്കറ്ററാണ്. അവൻ ശരിക്കും നന്നായി സ്പിൻ കളിക്കുന്നു. വൈറ്റ്ബോൾ ക്രിക്കറ്റിൽ ഞങ്ങൾ അത് കണ്ടു. ടെസ്റ്റിലും അത് കാണാൻ ആകും.” രാഹുൽ പറഞ്ഞു
