കറാച്ചിയില്‍ ബംഗ്ലാദേശിനെതിരെ ഏപ്രില്‍ മൂന്നിന് നടക്കേണ്ട ഏകദിനം ഏപ്രില്‍ 1ലേക്ക് മാറ്റി പാക്കിസ്ഥാന്‍ ക്രിക്കറ്റ് ബോര്‍ഡ്. ടീമിന് തങ്ങളുടെ രണ്ടാം ടെസ്റ്റിന് വേണ്ടത്ര സമയം ലഭിയ്ക്കുന്നത് വേണ്ടിയാണ് പാക്കിസ്ഥാന്‍ ബോര്‍ഡിന്റെ ഈ മാറ്റം. മാര്‍ച്ച് 29ന് ബംഗ്ലാദേശ് കറാച്ചിയില്‍ എത്തും.
ലോക ടെസ്റ്റ് ചാമ്പ്യന്‍ഷിപ്പിന്റെ ഭാഗമായി റാവല്‍പിണ്ടിയില്‍ നടന്ന ആദ്യ ടെസ്റ്റില്‍ പാക്കിസ്ഥാന്‍ ഒരിന്നിംഗ്സിന്റെയും 44 റണ്‍സിന്റെയും വിജയം കൈവരിച്ചിരുന്നു. കറാച്ചിയില്‍ ടെസ്റ്റ് വിജയം കൈവരിക്കാനായാല്‍ റാങ്കിംഗില്‍ മൂന്നാം സ്ഥാനത്തേക്ക് ടീമിന് ഉയരാന്‍ കഴിയും.
