ഇന്ത്യയുടെ യുവ ഓപ്പണർ യശസ്വി ജയ്സ്വാൾ കരിയറിലെ ഏറ്റവും മികച്ച റാങ്കിംഗിൽ എത്തി. ബംഗ്ലാദേശിനെതിരായ കാൺപൂർ ടെസ്റ്റിലെ തകർപ്പൻ പ്രകടനത്തെത്തുടർന്ന് ഐസിസി ടെസ്റ്റ് ബാറ്റർ റാങ്കിംഗിൽ ആദ്യ 3-ലേക്ക് താരം എത്തി. അവസാന ടെസ്റ്റിൽ 72-ഉം 51-ഉം റൺസ് നേടിയതിന് പ്ലെയർ ഓഫ് ദി മാച്ച് ആയി തിരഞ്ഞെടുക്കപ്പെട്ട ജയ്സ്വാൾ അഞ്ചാം സ്ഥാനത്ത് നിന്ന് രണ്ട് സ്ഥാനങ്ങൾ മെച്ചപ്പെടുത്തി, സ്റ്റീവ് സ്മിത്തിനെ മറികടന്ന് മൂന്നാം സ്ഥാനത്തെത്തി.
792 റേറ്റിംഗ് പോയിൻ്റുമായി, ഇംഗ്ലണ്ടിൻ്റെ ജോ റൂട്ട് ആണ് ഒന്നാമത്. ന്യൂസിലൻഡിൻ്റെ കെയ്ൻ വില്യംസൺ രണ്ടാമതും നിൽക്കുന്നു. വിരാട് കോഹ്ലി ആറാം സ്ഥാനത്ത് തുടരുമ്പോൾ ഋഷഭ് പന്ത് 9-ാം റാങ്കിൽ നിൽക്കുന്നു. അതേസമയം, രോഹിത് ശർമ്മ 15-ാം സ്ഥാനത്തേക്കും ശുഭ്മാൻ ഗിൽ 16-ാം സ്ഥാനത്തേക്കും പിന്തള്ളപ്പെട്ടു.
