മുംബൈ ആഭ്യന്തര ക്രിക്കറ്റ് ടീം വിട്ട് അടുത്ത സീസണിൽ ഗോവയിൽ ചേരാൻ ഇന്ത്യൻ ഓപ്പണർ യശസ്വി ജയ്സ്വാൾ തീരുമാനമെടുത്തു. ഇടംകൈയ്യൻ ബാറ്റ്സ്മാൻ, തന്നെ റിലീസ് ചെയ്യാൻ മുംബൈ ക്രിക്കറ്റ് അസോസിയേഷനോട് (എംസിഎ) ഔദ്യോഗികമായി അഭ്യർത്ഥിച്ചു, ആ അഭ്യർത്ഥന മുംബൈ സ്വീകരിച്ചു.
2025 ജനുവരിയിൽ ജമ്മു കശ്മീരിനെതിരായ രഞ്ജി ട്രോഫി മത്സരത്തിലാണ് ജയ്സ്വാൾ അവസാനമായി മുംബൈയ്ക്കു വേണ്ടി കളിച്ചത്. 2023-ൽ വെസ്റ്റ് ഇൻഡീസിനെതിരെ അരങ്ങേറ്റം കുറിച്ചതിനുശേഷം ഇന്ത്യയുടെ ഒന്നാം നമ്പർ ടെസ്റ്റ് ഓപ്പണറാണ് ജയ്സ്വാൾ.
