കാന്പൂരിൽ ഇന്ത്യയ്ക്കായി ഇരു ഇന്നിംഗ്സുകളിലും അര്ദ്ധ ശതകങ്ങള് നേടിയ യശസ്വി ജൈസ്വാള് മത്സരത്തിലെ താരമായി തിരഞ്ഞെടുക്കപ്പെട്ടപ്പോള് തന്നോട് രോഹിത് ശര്മ്മയും ഗൗതം ഗംഭീറും നൽകിയ നിര്ദ്ദേശം മാത്രമാണ് താന് നടപ്പിലാക്കിയതെന്നാണ് ഇന്ത്യയുടെ യുവ ഓപ്പണര് പറഞ്ഞത്.
ആദ്യ ഇന്നിംഗ്സിൽ 51 പന്തിൽ 72 റൺസും രണ്ടാം ഇന്നിംഗ്സിൽ 45 പന്തിൽ 51 റൺസുമായി ജൈസ്വാള് നേടിയത്. താന് ടീമിന് വേണ്ടി എന്ത് ചെയ്യാമെന്ന് മാത്രമാണ് കരുതിയതെന്നും ചെന്നൈയിലെ സാഹചര്യത്തിൽ നിന്ന് വിഭിന്നമായ സാഹചര്യം ആയിരുന്നു കാന്പൂരിൽ എന്നും ജൈസ്വാള് വ്യക്തമാക്കി.
ഓരോ ഇന്നിംഗ്സും വളരെ പ്രാധാന്യമുള്ളതാണെന്നും താന് അതിനായുള്ള തയ്യാറെടുപ്പുകള് നടത്തുകയാണ് ചെയ്യാറെന്നും തന്നോട് സ്വതസിദ്ധമായ ശൈലിയിൽ കളിയ്ക്കുവാനാണ് നിര്ദ്ദേശം നൽകിയതെന്നും ജൈസ്വാള് സൂചിപ്പിച്ചു.
