ടാറ്റാ ഐപിഎൽ 2025 സീസണിൻ്റെ ശേഷിക്കുന്ന മത്സരങ്ങൾ 2025 മെയ് 17 മുതൽ ആറ് വേദികളിലായി പുനരാരംഭിക്കുമെന്ന് ബിസിസിഐ അറിയിച്ചു. സർക്കാർ, സുരക്ഷാ ഏജൻസികളുമായി വിശദമായ ചർച്ചകൾക്ക് ശേഷമാണ് ഈ തീരുമാനം.
രണ്ട് ഞായറാഴ്ചകളിലെ ഡബിൾ ഹെഡറുകൾ ഉൾപ്പെടെ 17 മത്സരങ്ങളാണ് ഇനി നടക്കാനുള്ളത്. ജൂൺ 3 ന് ഫൈനലോടെ സീസൺ അവസാനിക്കും.
പ്ലേ ഓഫുകൾ താഴെ പറയുന്ന രീതിയിൽ ക്രമീകരിച്ചിരിക്കുന്നു:
ക്വാളിഫയർ 1: മെയ് 29
എലിമിനേറ്റർ: മെയ് 30
ക്വാളിഫയർ 2: ജൂൺ 1
ഫൈനൽ: ജൂൺ 3
പ്ലേ ഓഫ് വേദികളുടെ വിശദാംശങ്ങൾ പിന്നീട് അറിയിക്കുമെന്ന് ബിസിസിഐ അറിയിച്ചു. ടൂർണമെൻ്റ് പുനരാരംഭിക്കുന്നതിന് സുരക്ഷിതമായ അന്തരീക്ഷം ഉറപ്പാക്കിയതിന് ഇന്ത്യൻ സായുധ സേനയോടുള്ള നന്ദിയും ബോർഡ് അറിയിച്ചു.
.
