ദക്ഷിണാഫ്രിക്കയിലേക്ക് യാത്രയാകുന്നതിന് മുമ്പ് ഇന്ത്യന്‍ ടീമിന് ക്വാറന്റീന്‍. മൂന്ന് ദിവസം ആണ് ടീം ക്വാറന്റീനിലിരിക്കേണ്ടത്. മുംബൈ അന്താരാഷ്ട്ര എയര്‍പോര്‍ട്ടിനടത്തുള്ള ഫൈ സ്റ്റാര് ഹോട്ടലില്‍ താരങ്ങളോട് ഇന്നലെയ്ക്കുള്ളിൽ ചെക്കിന്‍ ചെയ്യുവാന്‍ ആവശ്യപ്പെട്ടിട്ടുണ്ടെന്നാണ് അറിയുന്നത്.
ബയോ സുരക്ഷിതമായ മാനദണ്ഡങ്ങള്‍ക്കായാണ് ഈ ആവശ്യം. മൂന്ന് ടെസ്റ്റുകള്‍ക്കും മൂന്ന് ഏകദിനങ്ങള്‍ക്കുമായി ഇന്ത്യ ഡിസംബര്‍ 16ന് ചാര്‍ട്ടേര്‍ഡ് ഫ്ലൈറ്റ് വഴിയാണ് ജോഹാന്നസ്ബര്‍ഗിലേക്ക് യാത്രയാകുന്നത്. അതേ സമയം ഇന്ത്യന്‍ എ ടീമിനൊപ്പം ദക്ഷിണാഫ്രിക്കയിലെത്തിയ ടീമിലെ ചില താരങ്ങള്‍ അവിടെ തുടരുന്നുണ്ട്.
നവ്ദീപ് സൈനി, സൗരഭ് കുമാര്‍, ദീപക് ചഹാര്‍, അര്‍സന്‍ നാഗവാസ്വല്ല, ഹനുമ വിഹാരി, വിവേക് രാമകൃഷ്ണന്‍(ട്രെയിനര്‍) എന്നിവരാണ് സ്റ്റാന്‍ഡ് ബൈ താരങ്ങളായി തിരഞ്ഞെടുക്കപ്പെട്ടിരിക്കുന്നത്.
