വിജയകരമായ ഓസ്ട്രേലിയൻ പര്യടനത്തിനു ശേഷം ക്രിക്കറ്റിലെ മൂന്നു ഫോര്മാറ്റുകളിലും ഒരേ പോലെ പ്രധാന ശക്തരാണ് എന്ന് തെളിയിച്ചിരിക്കുകയാണ് ഇന്ത്യൻ ക്രിക്കറ്റ് ടീം. വിരാട് കോഹ്‌ലിയുടെ നേതൃത്വത്തിൽ മികച്ച പ്രകടനമാണ് ഇന്ത്യൻ ടീം സ്വദേശത്തും വിദേശത്തും നടത്തിക്കൊണ്ടിരിക്കുന്നത്. അതെ സമയമാണ് പാകിസ്ഥാൻ ക്യാപ്റ്റൻ സർഫറാസ് അഹമ്മദ് ഇന്ത്യൻ ടീമിനെ പുകഴ്ത്തികൊണ്ട് രംഗത്തെത്തിയിരിക്കുന്നത്.
ഇംഗ്ലണ്ടിലും വെയ്ൽസിലുമായി നടക്കുന്ന അടുത്ത ലോകകപ്പിൽ ഇന്ത്യക്ക് മുൻ‌തൂക്കം ഉണ്ടെന്നും, ധോണി, രോഹിത് ശർമ്മ, കോഹ്ലി, ശിഖർ ധവാൻ തുടങ്ങിയവരുള്ള ഇന്ത്യൻ ടീം പാകിസ്താനെക്കാൾ വളരെ പരിചയ സമ്പന്നതയുള്ളതും മികച്ച ടീമും ആണെന്നുമാണ് സർഫറാസ് അഭിപ്രായപ്പെട്ടത്. പരിചയസമ്പന്നരായ കളിക്കാർ ഞങ്ങൾക്കുമുണ്ട്, എന്നാൽ നിങ്ങൾ ദക്ഷിണാഫ്രിക്കയിൽ വന്നാൽ ആദ്യ ഇന്നിംഗ്സിൽ നന്നായി ബാറ്റ് ചെയ്യണം, അങ്ങനെ ചെയ്താൽ മത്സരങ്ങൾ വിജയിക്കും, “സർഫ്രാസ് അഹ്മദ് വാർത്താ സമ്മേളനത്തിൽ പറഞ്ഞു.
