വനിത പ്രീമിയര്‍ ലീഗിന്റെ ടൈറ്റിൽ റൈറ്റ്സ് സ്വന്തമാക്കി ടാറ്റ ഗ്രൂപ്പ്. ആദ്യത്തെ അഞ്ച് വര്‍ഷത്തേക്കാണ് ടാറ്റ സൺസ് ടൈറ്റിൽ റൈറ്റ്സ് സ്വന്തമാക്കിയിരിക്കുന്നത്. ടാറ്റ മോട്ടോഴ്സിന്റെയും ടാറ്റ ഫിനാന്‍ഷ്യൽ സര്‍വീസിന്റെയും പ്രൊമോഷനാണ് കൂടുതലായും ഉണ്ടാകുക എന്നാണ് അറിയുന്നത്.
നിലവിൽ ഐപിഎലിന്റെ ടൈറ്റിൽ റൈറ്റ്സും ടാറ്റ ഗ്രൂപ്പിന്റെ കൈവശമാണ്. വനിത പ്രീമിയര്‍ ലീഗിന്റെ ടൈറ്റിൽ റൈറ്റ്സിന്റെ മൂല്യം എത്രയാണെന്നത് പുറത്ത് വന്നിട്ടില്ല.
