ബംഗളൂരു, മാർച്ച് 1: വനിതാ പ്രീമിയർ ലീഗിൽ 15.3 ഓവറിൽ 148 റൺസ് പിന്തുടർന്ന ഡൽഹി ക്യാപിറ്റൽസ് വനിതകൾ റോയൽ ചലഞ്ചേഴ്സ് ബംഗളൂരു വനിതകളെ ഒമ്പത് വിക്കറ്റിന് തോൽപിച്ചു. ഷഫാലി വർമ (43 പന്തിൽ 80), ജെസ് ജോനാസെൻ (38 പന്തിൽ 61) എന്നിവരുടെ മികവിൽ, 27 പന്തുകൾ ശേഷിക്കെ, അനായാസ വിജയം അവർ ഉറപ്പാക്കി.
47 പന്തിൽ പുറത്താകാതെ 60 റൺസ് നേടിയ എല്ലിസ് പെറിയുടെ മികവിൽ RCB- 147/5 എന്ന സ്കോർ ആയിരുന്നു നേടിയിരുന്നത്. ശിഖ പാണ്ഡെ (2/24), ശ്രീ ചരണി (2/28) എന്നിവർ ഡെൽഹിക്ക് ആയി നന്നായി ബൗൾ ചെയ്തു.
ഡൽഹി 7 മത്സരങ്ങളിൽ നിന്ന് 10 പോയിന്റുമായി നോക്കൗട്ട് യോഗ്യത ഉറപ്പിച്ചു. അവർ ഇപ്പോൾ ലീഗിൽ ഒന്നാമതാണ്. 4 പോയിന്റുമായി ആർ സി ബി നാലാം സ്ഥാനത്താണ്.
