വനിത പ്രീമിയര്‍ ലീഗിൽ യുപി വാരിയേഴ്സിനെതിരെ 211 റൺസ് നേടി ഡൽഹി ക്യാപിറ്റൽസ്. 42 പന്തിൽ 70 റൺസ് നേടിയ മെഗ് ലാന്നിംഗിന്റെ ബാറ്റിംഗ് മികവിനൊപ്പം ജെസ്സ് ജോന്നാസന്റെ വെടിക്കെട്ട് ഇന്നിംഗ്സും കൂടിയാണ് ഡൽഹിയ്ക്ക് തുണയായത്. 4 വിക്കറ്റ് നഷ്ടത്തിലാണ് ടീം ഈ സ്കോര്‍ നേടിയത്.
ആലിസ് കാപ്സേ 10 പന്തിൽ 21 റൺസ് നേടിയപ്പോള്‍ ജെസ്സ് ജോന്നാസ്സെന്‍ 20 പന്തിൽ പുറത്താകാതെ 42 റൺസ് നേടി. ഷഫാലി(17), മരിസാന്നേ കാപ്പ്(16), ജെമീമ റോഡ്രിഗസ്(22 പന്തിൽ പുറത്താകാതെ 34) എന്നിവരാണ് മറ്റു പ്രധാന സ്കോറര്‍മാര്‍.
അവസാന ഓവറുകളിൽ ജെസ്സ് തകര്‍ത്തടിച്ചാണ് ടീമിനെ മികച്ച സ്കോറിലേക്ക് എത്തിച്ചത്. അഞ്ചാം വിക്കറ്റിൽ 34 പന്തിൽ നിന്ന് 67 റൺസാണ് ജെസ്സും ജെമീമയും ചേര്‍ന്ന് നേടിയത്.
