വനിത പ്രീമിയര് ലീഗിന്റെ ലീഗ് ഘട്ടത്തിലെ അവസാന മത്സരത്തിൽ ഫൈനലിലേക്ക് നേരിട്ട് പ്രവേശിച്ച് ഡൽഹി ക്യാപിറ്റൽസ്. മുംബൈയെ റൺ റേറ്റിന്റെ ബലത്തിലാണ് ഇന്നത്തെ ജയത്തോടെ ഡൽഹി മറികടന്നത്. ഇരു ടീമുകള്ക്കും 12 വീതം പോയിന്റാണുള്ളത്.
ഇന്ന് യുപിയുടെ 139 റൺസെന്ന വിജയ ലക്ഷ്യം തേടിയിറങ്ങിയ ഡൽഹി 17.5 ഓവറിൽ 5 വിക്കറ്റ് നഷ്ടത്തിലാണ് വിജയം കുറിച്ചത്. 23 പന്തിൽ 39 റൺസ് നേടിയ മെഗ് ലാന്നിംഗും 34 റൺസ് നേടിയ ആലിസ് കാപ്സിയും ഡൽഹിയെ മുന്നോട്ട് നയിച്ചപ്പോള് 34 റൺസുമായി മരിസാന്നേ കാപ് പുറത്താകാതെ നിന്ന് ഡൽഹിയുടെ വിജയം ഉറപ്പാക്കി.
യുപിയ്ക്കായി ഷബ്നിം ഇസ്മൈൽ 2 വിക്കറ്റ് നേടി.
