ഡെൽഹി ക്യാപിറ്റൽസ് ക്യാപ്റ്റൻ ഡേവിഡ് വാർണറെ രൂക്ഷമായി വിമർശിച്ച് ഹർഭജൻ സിംഗ്. ഡെൽഹിക്ക് ഒരു തിരിച്ചുവരവ് നടത്താൻ ഇനി കഴിയുമെന്ന് ഞാൻ കരുതുന്നില്ല എന്നും അതിന്റെ മുഴുവൻ കാരണവും ക്യാപ്റ്റൻ വാർണർ ആണെന്നും ഹർഭജൻ പറഞ്ഞു.
അദ്ദേഹം ടീമിനെ നന്നായി നയിച്ചില്ല, അദ്ദേഹത്തിന്റെ ഫോം ഒരു വലിയ പ്രശ്നമായിരുന്നു. ഇത് വളരെ നിരാശാജനകമാണ്. വാർണർ സൺ റൈസേഴ്സിന് എതിരെ നേരത്തെ പുറത്തായി, അതിനാലാണ് ഡൽഹി ചെയ്സിൽ ഇത്ര അടുത്തെത്തിയത്. അദ്ദേഹം 50 പന്തുകൾ കളിച്ചിരുന്നെങ്കിൽ, ആ 50 പന്തുകൾ പാഴായിപ്പോകും, ഡിസി 50 റൺസിന് പരാജയപ്പെടുമായിരുന്നു. ഹർഭജൻ പറഞ്ഞു.
ഇപ്പോഴും വാർണർ മറ്റു കളിക്കാരുടെ തെറ്റുകളെക്കുറിച്ചാണ് പറയുന്നത്‌. എന്നാൽ നിങ്ങൾ എന്താണ് ചെയ്തത്? നിങ്ങൾ 300+ റൺസ് നേടിയെങ്കിലും നിങ്ങളുടെ സ്‌ട്രൈക്ക് റേറ്റ് നോക്കൂ. അദ്ദേഹത്തിന്റെ 300 റൺസ് കൊണ്ട് ഡിസിക്ക് ഒരു പ്രയോജനവുമില്ല. ഹർഭജൻ പറഞ്ഞു.
