ഇന്ത്യൻ പ്രീമിയർ ലീഗിൽ ഇന്നലെ ആദ്യ മത്സരത്തിന് ഇറങ്ങിയ ആർ സി ബി താരം റീസ് ടോപ്ലിക്ക് പരിക്കേറ്റിരുന്നു. ഫീൽഡിങ്ങിനിടെ തോളിന് പരിക്കേറ്റ താരം ഇനി അടുത്ത മത്സരങ്ങളിൽ കളിക്കുന്ന കാര്യം സംശയമാണ്‌. മുംബൈ ഇന്ത്യൻസ് ഇന്നിംഗ്‌സിനെതിരെ എട്ടാം ഓവറിനിടെ ആയിരുന്നു ടോപ്ലിക്ക് പരിക്കേറ്റത്‌.
ഇന്നലെ കാമറൂൺ ഗ്രീനിനെ പുറത്താക്കിയ ടോപ്‌ലി 2 ഓവർ മാത്രമെ പന്ത് എറിഞ്ഞുള്ളൂ. താരത്തിന്റെ പരിക്കിന്റെ വ്യാപ്തി കൂടുതൽ പരിശോധനകൾക്ക് ശേഷം മാത്രമെ വ്യക്തമാവവുകയുള്ളൂ. രജത് പതിദാറിനെയും ഹേസല്വൂഡിനെയും പരിക്ക് കാരണം നഷ്ടമായ ആർ സി ബിക്ക് ഈ പരിക്കും വലിയ തിരിച്ചടിയാണ്.
