മുംബൈ ഇന്ത്യന്സിന്റെ സണ്റൈസേഴ്സിനെതിരെയുള്ള വിജയം ഏറെ സന്തോഷം നല്കുന്നതെന്ന് പറഞ്ഞ് രോഹിത് ശര്മ്മ. ഇന്നലെ മികച്ചൊരു ബാറ്റിംഗ് പ്രകടനമല്ല ടീം പുറത്തെടുത്തത്. 136 റണ്സിലേക്ക് എത്തിയത് തന്നെ പൊള്ളാര്ഡിന്റെ 26 പന്തില് നിന്നുള്ള 46 റണ്സ് മൂലമാണ്, എന്നാല് കൃത്യതയോടെ പന്തെറിഞ്ഞ എതിരാളികളെ സംശയത്തിലാക്കുവാന് ഞങ്ങളുടെ ബൗളര്മാര്ക്ക് സാധിച്ചു. ഇത്തരത്തിലുള്ള വിജയം ഏറെ സന്തോഷം തരുന്നതാണ്. സ്വാഭാവികമായി എല്ലാ വിജയവും സന്തോഷം നല്കുന്നു. എന്നാല് ഇത് ഏറെ സന്തോഷം നല്കുന്നു കാരണം 136 റണ്സിനെയാണ് ഞങ്ങള് പ്രതിരോധിച്ചതെന്നും രോഹിത് പറഞ്ഞു.
സണ്റൈസേഴ്സിന്റെ സ്കോറിംഗ് മുഴുവന് ടോപ് ഓര്ഡറാണ് നടത്തുന്നത്, എന്നാല് അവരുടെ മധ്യനിര മോശമാണെന്നല്ല, പക്ഷേ ഈ ടൂര്ണ്ണമെന്റില് അവര്ക്ക് സമ്മര്ദ്ദത്തില് അടിപ്പെടേണ്ടി വന്നിട്ടില്ല, അതിനെ ചൂഷണം ചെയ്യുകയായിരുന്നു ഞങ്ങളുടെ ലക്ഷ്യമെന്ന് രോഹിത് ശര്മ്മ വ്യക്തമാക്കി. ഇപ്പോള് തന്നെ കഴിവതും മത്സരങ്ങള് വിജയിക്കുക എന്നതാണ് ലക്ഷ്യം കാരണം ടൂര്ണ്ണമെന്റ് അവസാനത്തോടെ ലോകകപ്പിന്റെ തയ്യാറെടുപ്പുകള്ക്കായി പലരും യാത്രയാകും. അപ്പോള് ടീമിനു എല്ലാ മത്സരങ്ങളും വിജയിക്കുകയെന്നത് ശ്രമകരമായി മാറിയേക്കാം, അതിനാല് തന്നെ ഇപ്പോള് ലഭിയ്ക്കുന്ന ജയങ്ങളെല്ലാം തന്നെ ഏറെ സന്തോഷം നല്കുന്നതാണെന്ന് രോഹിത് ശര്മ്മ വ്യക്തമാക്കി.
