ഐ പി എല്ലിൽ മുംബൈ ഇന്ത്യൻസിന് കരുത്ത് പകരാൻ സൂര്യകുമാർ യാദവ് എത്തുന്നു. താരം ഇന്ന് മുംബൈയുടെ ക്യാമ്പിൽ എത്തും. ഇന്ന് മുതൽ ടീമിനൊപ്പം പരിശീലനവും നടത്തും. താരത്തിന് എൻ സി എ ഫിറ്റ്നസ് ക്ലിയറൻസ് നൽകിയിരുന്നു. സൂര്യകുമാർ മുംബൈയുടെ അടുത്ത മത്സരത്തിൽ ടീമിൽ ഉണ്ടാകും എന്ന് ഉറപ്പാണ്. ഞായറാഴ്ച ഡെൽഹി ക്യാപിറ്റൽസിന് എതിരെ ആണ് മുംബൈ ഇനി ഇറങ്ങുന്നത്.
ആദ്യ മൂന്ന് മത്സരങ്ങളിലും സൂര്യകുമാർ പരിക്ക് കാരണം കളിച്ചിരുന്നില്ല. ഈ മൂന്ന് മത്സരങ്ങളിലും മുംബൈ ഇന്ത്യൻസ് പരാജയപ്പെടുകയും ചെയ്തു. സ്കൈ തിരികെയെത്തിന്നത് മുംബൈയുടെ ബാറ്റിംഗ് ശക്തമാക്കും.
2024 ജനുവരിയിൽ ശസ്ത്രക്രിയയ്ക്ക് ശേഷം ഇതുകരെ സ്കൈ ക്രിക്കറ്റ് കളിച്ചിട്ടില്ല. ദക്ഷിണാഫ്രിക്കയ്‌ക്കെതിരായ ഇന്ത്യയുടെ ടി20 ഐ പരമ്പരയ്ക്ക് ശേഷം സൂര്യകുമാർ യാദവ് ക്രിക്കറ്റ് കളിച്ചിട്ടില്ല. 2023 ഡിസംബർ 14-ന് ജോഹന്നാസ്ബർഗിൽ ഫീൽഡ് ചെയ്യുന്നതിനിടെ യാദവിൻ്റെ കണങ്കാലിന് പരിക്കേറ്റിരുന്നു. സ്‌പോർട്‌സ് ഹെർണിയക്ക് ആയും കണങ്കാലിനായും രണ്ട് ശസ്ത്രക്രിയക്ക് സ്കൈ വിധേയനായിരുന്നു.
