ഇന്ന് ആർ സി ബി പഞ്ചാബിനെ തോൽപ്പിച്ചപ്പോൾ കളിയിലെ ഹീറോ ആയത് സിറാജ് ആയിരുന്നു. 21 റൺസ് മാത്രം വഴങ്ങി നാലു വിക്കറ്റുകൾ ഇന്ന് വീഴ്ത്താൻ സിറാജിനായി. സിറാജ് ആണ് ഇപ്പോൾ ഈ സീസൺ ഐ പി എല്ലിൽ ഏറ്റവും കൂടുതൽ വിക്കറ്റ് എടുത്ത താരവും. ഇപ്പോൾ മികച്ച ബൗൾ ചെയ്യുന്നത് ലോക്ക് ഡൗൺ കാലത്തെ കഠിന പ്രയത്നം ആണെന്ന് സിറാജ് ഇന്ന് മത്സര ശേഷം പറഞ്ഞു.
ലോക്ക്ഡൗൺ എന്നെ സംബന്ധിച്ചിടത്തോളം വളരെ പ്രധാനമായിരുന്നു, കാരണം അതിനുമുമ്പ് എന്ന്വ് എല്ലാവരും കുറേ ബൗണ്ടറികൾ അടിക്കാറുണ്ടാഉഇരുന്നു. ഞാൻ എന്റെ പ്ലാനുകൾ, എന്റെ ഫിറ്റ്നസ്, എന്റെ ബൗളിംഗ് എന്നിവയിൽ നന്നായി പ്രവർത്തിച്ചു, ഇതെല്ലാം ഇപ്പോൾ ഫലം നൽകുന്നു. സിറാജ് പറഞ്ഞു. ഗെയിമിന്റെ എല്ലാ ഡിപ്പാർട്ട്മെന്റിലും ഞാൻ എപ്പോഴും മെച്ചപ്പെടാൻ ശ്രമിക്കുന്നുണ്ട്. കാരണം എന്നെ കൊണ്ട് ആകുന്ന രീതിയിൽ ടീമിന് സംഭാവന നൽകുന്നത് പ്രധാനമാണെന്ന് ഞാൻ മനസ്സിലാക്കുന്നു. സിറാജ് പറഞ്ഞു. ഇപ്പോൾ ഒരു തരക്കേടില്ലാത്ത ഫീൽഡറായി എന്നെ എപ്പോഴും വിലയിരുത്തുന്നു, മിസ്ഫീൽഡുകൾ സംഭവിക്കാം, പക്ഷേ ഞാൻ എന്റെ ഫീൽഡിംഗും ഗൗരവമായി കാണുന്നു. സിറാജ് പറഞ്ഞു.
