ശ്രേയസ് അയ്യർ കെകെആറിന്റെ ക്യാപ്റ്റനായി ഈ സീസണിൽ തുടരുമെന്നു ക്ലബ് അറിയിച്ചു. നിതീഷ് റാണ വൈസ് ക്യാപ്റ്റൻ ആയിരിക്കുമെന്നും കൊൽക്കത്ത നൈറ്റ് റൈഡേഴ്സ് സിഇഒ വെങ്കി മൈസൂർ വ്യാഴാഴ്ച പ്രഖ്യാപിച്ചു. ശ്രേയസ് അയ്യർ ഐപിഎൽ 2023-ൽ പരിക്കുമൂലം പുറത്തായതിനാൽ നിതീഷ് റാണ ആയിരുന്നു അവരുടെ ക്യാപ്റ്റൻ. കൊൽക്കത്തക്ക് അത്ര മികച്ച സീസണായിരുന്നില്ല കഴിഞ്ഞ സീസൺ.
പരിക്ക് മൂലം ശ്രേയസിന് ഐപിഎൽ 2023 നഷ്ടമായത് നിർഭാഗ്യകരമായിരുന്നു എന്ന് വെങ്കി പറഞ്ഞു. ശ്രേയസ് ഏഷ്യ കപ്പിലൂടെ പരിക്ക് മാറി തിരികെയെത്തിയിരുന്നു. കഴിഞ്ഞ മാസം ഗൗതം ഗംഭീറിനെ മെന്ററായി ഫ്രാഞ്ചൈസിയിലേക്ക് തിരികെ കൊണ്ടുവന്ന നൈറ്റ് റൈഡേഴ്സ് ഇപ്പോൾ ഓക്ഷനായി ഒരുങ്ങുകയാണ്.
