2023 മാർച്ചിലെ മികച്ച പ്രകടനത്തിന് വെറ്ററൻ ഓൾറൗണ്ടർ ഷാക്കിബ് അൽ ഹസൻ ഐസിസി പുരുഷ താരത്തിനുള്ള പുരസ്‌കാരം സ്വന്തനാക്കി. ന്യൂസിലൻഡിന്റെ കെയ്ൻ വില്യംസണെയു. യുഎഇയുടെ ആസിഫ് ഖാനെയും മറികടന്നാണ് ഷാക്കിബ് ഈ പുരസ്‌കാരം സ്വന്തമാക്കിയത്. ഇംഗ്ലണ്ടിനെതിരായ മൂന്ന് മത്സര ഏകദിന പരമ്പരയിൽ ബംഗ്ലാദേശിനായി തിളങ്ങിയ ചുരുക്കം ചിലരിൽ ഒരാളായിരുന്നു ഷാക്കിബ്.
ബംഗ്ലാദേശിനായി ഏറ്റവും കൂടുതൽ റൺസ് നേടിയതും ഏറ്റവും കൂടുതൽ വിക്കറ്റ് വീഴ്ത്തിയതും ഷാകിബ് ആയിരുന്നു. മാർച്ചിൽ കളിച്ച 12 മത്സരങ്ങളിൽ നിന്ന് 353 റൺസും 15 വിക്കറ്റും ഷാക്കിബ് നേടിയിരുന്നു.
