സഞ്ജു സാംസൺ തന്റെ ബൗളിംഗ് വളര്ച്ചയിൽ പങ്ക് വഹിക്കുന്നുണ്ടെന്ന് പറഞ്ഞ് യൂസുവേന്ദ്ര ചഹാല്. സഞ്ജു സാംസൺ ധോണിയെ പോലെയാണെന്നും വളരെ ചിൽ ആയ വ്യക്തിയാണ് അദ്ദേഹമെന്നും ചഹാല് വ്യക്തമാക്കി. തന്റെ ബൗളിംഗിൽ 10 ശതമാനം വളര്ച്ച സംഭവിച്ചതിന് പിന്നിൽ സഞ്ജുവിന്റെ പങ്ക് ഉണ്ടെന്നും ചഹാല് വ്യക്തമാക്കി.
സഞ്ജുവിന് കീഴിൽ രാജസ്ഥാന് റോയൽസ് നിരയിലെത്തിയ ചഹാല് കഴിഞ്ഞ സീസണിൽ പര്പ്പിള് ക്യാപിന് ഉടമയായിരുന്നു. 17 മത്സരങ്ങളിൽ നിന്ന് 27 വിക്കറ്റാണ് കഴിഞ്ഞ സീസണിൽ ചഹാല് നേടിയത്. ഇത്തവണ ഇതുവരെ ആറ് മത്സരങ്ങളിൽ നിന്ന് 11 വിക്കറ്റ് നേടിയ ചഹാല് അഞ്ചാം സ്ഥാനത്താണ്.
