ആദ്യ ചെന്നൈ ക്യാമ്പില് കോവിഡ് പോസിറ്റീവായി സ്ഥിരീകരിച്ച രണ്ട് താരങ്ങളില് ഒരാളായിരുന്നു റുതുരാജ് ഗായ്ക്വാഡ്. ദീപക് ചഹാറിനോടൊപ്പം പോസിറ്റീവായ താരം പിന്നീട് നടത്തിയ ടെസ്റ്റിലും കോവിഡ് പോസിറ്റീവായി നിലകൊണ്ടപ്പോള് ദീപക് ചഹാര് നെഗറ്റീവ് ആകുകയും പിന്നീട് ടീമിനൊപ്പം ബയോ ബബിളില് ചേരുകയും ചെയ്തു.
ഇപ്പോള് റുതുരാജ് തന്റെ കോവിഡ് ടെസ്റ്റ് നെഗറ്റീവായി എന്നാണ് അറിയുന്നത്. താരം ഇനിയും ഒരു ടെസ്റ്റ് കൂടി കടക്കേണ്ടതുണ്ടെന്നാണ് അറിയുന്നത്. യാതൊരുവിധ ലക്ഷണങ്ങളും താരത്തിനില്ല. ഇപ്പോള് ചെന്നൈയുടെ പരിശീലന ക്യാമ്പില് ഇല്ലാത്ത ഏക താരം കൂടിയാണ് റുതുരാജ് സിംഗ്.
സുരേഷ് റെയ്നയ്ക്ക് ക്യാമ്പില് നിന്ന് വിട്ടതോടെ ടീമില് ഇടം പിടിക്കുമെന്ന് പ്രതീക്ഷിച്ചിരുന്ന താരമാണ് റുതുരാജ് ഗായ്ക്വാഡ്.