രോഹിത് ശർമ്മ ഐപിഎൽ 2025ൽ ചെന്നൈയ്ക്ക് വേണ്ടി കളിക്കുമെന്ന് തനിക്ക് തോന്നുന്നുണ്ടെന്ന് മുൻ ഇംഗ്ലണ്ട് ക്യാപ്റ്റൻ മൈക്കിൾ വോൺ. റുതുരാജ് ഗെയ്ക്വാദ് ഈ സീസൺ മാത്രമെ ചെന്നൈയുടെ ക്യാപ്റ്റൻ ആയി ഉണ്ടാകൂ എന്നാണ് താൻ കരുതുന്നത് എന്നും വോൺ പറഞ്ഞു. 2025ലെ മെഗാ ലേലത്തിൽ രോഹിത് ചെന്നൈയിലേക്ക് എത്തും എന്നും അദ്ദേഹം പറഞ്ഞു.
“എംഎസ് ധോണിക്ക് പകരം അദ്ദേഹം ചെന്നൈയിലേക്ക് പോകുമെന്ന് ഞാൻ കരുതുന്നു. ഈ വർഷം ഗെയ്ക്വാദ് ക്യാപ്റ്റൻ ആണ്. ഇത് വെറും ഹോൾഡിംഗ് ജോലിയാണെന്ന് കരുതുന്നു അടുത്ത വർഷം രോഹിത് ആകാം ക്യാപ്റ്റൻ” വോൺ പറഞ്ഞു.
“ഞാൻ അവനെ ചെന്നൈയിൽ കാണുന്നു, ചെന്നൈയുടെ ക്യാപ്റ്റനായി മുംബൈയിൽ വന്നാൽ, ആരാധകർ രോഹിതിനെയും കൂവുമോ” വോൺ ചോദിച്ചു.