ലാലിഗയിൽ ബാഴ്സലോണ അവരുടെ മികച്ച ഫോം തുടരുന്നു. ഇന്ന് കാദിസിനെ നേരിട്ട ബാഴ്സലോണ എതിരില്ലാത്ത ഒരു ഗോളിന്റെ വിജയം നേടി. പോർച്ചുഗീസ് താരം ജാവോ ഫെലിക്സിന്റെ ഒരു മികച്ച ബൈസൈക്കിൾ കിക്ക് ഗോളാണ് ബാഴ്സലോണക്ക് വിജയം നൽകിയത്.
മത്സരത്തിന്റെ 37ആം മിനുട്ടിൽ ആണ് ഫെലിക്സ് ഈ ഗോൾ നേടിയത്. കൂടുതൽ ഗോൾ നേടാൻ ആകാത്തത് ബാഴ്സലോണക്ക് നിരാശ നൽകും. 31 മത്സരങ്ങൾ കഴിഞ്ഞപ്പോൾ ബാഴ്സലോണക്ക് 70 പോയിന്റാണ് ഉള്ളത്. ഒന്നാമത് ഉള്ള റയൽ മാഡ്രിഡ് 78 പോയിന്റിൽ നിൽക്കുന്നു.