ഐപിഎലില്‍ റോയല്‍ ചലഞ്ചേഴ്സ് ബാംഗ്ലൂരിന്റെ യുവതാരങ്ങളുമായി കരാറിലെത്തി പ്യുമ. അടുത്തിടെയാണ് ഫ്രാഞ്ചൈസിയുമായി പ്യുമ കരാറിലെത്തിയത്. ഇപ്പോള്‍ യുവതാരങ്ങളായ ദേവ്ദത്ത് പടിക്കലുമായും വാഷിംഗ്ടണ്‍ സുന്ദറുമായും പ്യുമ കരാറിലെത്തുകയായിരുന്നു. നിലവില്‍ വിരാട് കോഹ്‍ലി, കെഎല്‍ രാഹുല്‍, യുവരാജ് എന്നിവരുമായി പ്യുമയ്ക്ക് കരാറുണ്ട്.
കഴിഞ്ഞ ഐപിഎലിലെ കണ്ടെത്തല്‍ എന്നാണ് ദേവ്ദത്ത് പടിക്കലിനെ ഏവരും വിശേഷിപ്പിച്ചത്. വാഷിംഗ്ടണ്‍ സുന്ദറാകട്ടെ ഓസ്ട്രേലിയയിലെ ഓള്‍റൗണ്ട് പ്രകടനത്തിന്റെ ബലത്തില്‍ ഇന്ത്യന്‍ ടെസ്റ്റ് വിജയത്തില്‍ നിര്‍ണ്ണായക പങ്ക് വഹിച്ച താരം കൂടിയാണ്.
ആഭ്യന്തര ക്രിക്കറ്റിലും സജീവമായി റണ്‍സ് കണ്ടെത്തുന്ന താരമാണ് ദേവ്ദത്ത് പടിക്കല്‍.
