വിരാട് കോഹ്‍ലിയും മോയിന്‍ അലിയും നല്‍കിയ വലിയ ലക്ഷ്യം മറികടക്കുമെന്ന് ആന്‍ഡ്രേ റസ്സലും നിതീഷ് റാണയും ഭീതി പടര്‍ത്തിയെങ്കിലും ലക്ഷ്യത്തിനു 10 റണ്‍സ് അകലെ കൊല്‍ക്കത്തയുടെ ചെറുത്ത് നില്പ് അവസാനിപ്പിച്ച് റോയല്‍ ചലഞ്ചേഴ്സ് ബാംഗ്ലൂരിനു വിജയം. 118 റണ്‍സ് അഞ്ചാം വിക്കറ്റ് കൂട്ടുകെട്ട് നേടിയെങ്കിലും ലക്ഷ്യം മറികടക്കുവാന്‍ കൊല്‍ക്കത്തയ്ക്ക് സാധിച്ചില്ല. റോബിന്‍ ഉത്തപ്പ 20 പന്തില്‍ 9 റണ്‍സ് നേടിയത് ഇന്നിംഗ്സിന്റെ ഗതിയെ തന്നെ ഏറെ ബാധിക്കുകയായിരുന്നു. തുടക്കം അത്ര മികച്ചതായിരുന്നില്ലെങ്കിലും നിതീഷ് റാണയും ആന്‍ഡ്രേ റസ്സലും ബാംഗ്ലൂര്‍ ക്യാമ്പുകളില്‍ പരിഭ്രാന്തി പരത്തുകയായരുന്നുവെങ്കിലും അവസാന രണ്ടോവറുകളില്‍ ചില ബോളുകള്‍ ബീറ്റണായത് ടീമിനു തിരിച്ചടിയായി.
79/4 എന്ന നിലയിലേക്ക് വീണ കൊല്‍ക്കത്തയെ മത്സരത്തിലേക്ക് തിരികെ കൊണ്ടുവന്നത് റസ്സല്‍-റാണ കൂട്ടുകെട്ടിന്റെ അഞ്ചാം വിക്കറ്റ് കൂട്ടുകെട്ടാണ്. 25 പന്തില്‍ നിന്ന് 59 റണ്‍സുമായി ഇരുവരും ചേര്‍ന്ന് 16 ഓവറുകള്‍ പിന്നിടുമ്പോള്‍ കൊല്‍ക്കത്തയെ 138 റണ്‍സിലേക്ക് എത്തിക്കുകയായിരുന്നു. അവസാന നാലോവറില്‍ 76 റണ്‍സായിരുന്നു കൊല്‍ക്കത്ത നേടേണ്ടിയിരുന്നത്.
മുഹമ്മദ് സിറാജ് എറിഞ്ഞ 17ാം ഓവറില്‍ 15 റണ്‍സാണ് കൊല്‍ക്കത്ത നേടിയത്. സ്റ്റെയിന്‍ എറിഞ്ഞ 18ാം ഓവറിലും 18 റണ്‍സ് നേടിയതോടെ കൊല്‍ക്കത്തയുടെ വിജയ ലക്ഷ്യം 12 പന്തില്‍ 43 റണ്‍സായി മാറി. മാര്‍ക്കസ് സ്റ്റോയിനിസ് എറിഞ്ഞ 19ാം ഓവറിലെ ആദ്യ പന്ത് റസ്സലിനു റണ്‍സെടുക്കാനായില്ലെങ്കിലും അടുത്ത പന്ത് വൈഡായി തീര്‍ന്നു. ഓവറിലെ രണ്ടാം പന്തും റസ്സലിനെ നിര്‍ത്തി ഡോട്ടാക്കി മാറ്റിയതോടെ ആര്‍സിബി വിജയം പ്രതീക്ഷിച്ചു തുടങ്ങി. എന്നാല്‍ അവസാന മൂന്ന് പന്തുകള്‍ സിക്സര്‍ നേടി റസ്സല്‍ തന്റെ അര്‍ദ്ധ ശതകവും അവസാന ഓവറില്‍ 24 റണ്‍സ് വിജയ ലക്ഷ്യമാക്കി മാറ്റുകയും ചെയ്തു.
മോയിന്‍ അലി എറിഞ്ഞ അവസാന ഓവറില്‍ നിന്ന് 13 റണ്‍സ് മാത്രമേ കൊല്‍ക്കത്തയ്ക്ക് നേടാനായുള്ളു. 25 പന്തില്‍ 65 റണ്‍സ് നേടി റസ്സല്‍ അവസാന ഓവറില്‍ റണ്ണൗട്ടായപ്പോള്‍ നിതീഷ് റാണ 46 പന്തില്‍ നിന്ന് 85 റണ്‍സ് നേടി പുത്താകാതെ നിന്നു. 9 ഫോറും 5 സിക്സുമായിരുന്നു നിതീഷ് റാണ നേടിയത്. ആന്‍ഡ്രേ റസ്സല്‍ 2 ഫോറും 9 സിക്സും നേടി.
