രോഹിത് ശർമ്മ മികച്ച ഫോമിലേക്ക് തിരികെയെത്തും എന്ന് മുൻ ഇന്ത്യൻ ഹെഡ് കോച്ച് രവി ശാസ്ത്രി. മുംബൈ ഇന്ത്യൻസിന്റെ മികച്ച ഫോം രോഹിത് ശർമ്മക്ക് തന്റെ മോശം റൺ മറികടക്കാനുള്ള സമയം നൽകും എന്ന് രവി ശാസ്ത്രി പറഞ്ഞു. അവസാന അഞ്ചു മത്സരങ്ങളിലും രണ്ടക്കം കാണാൻ കഴിയാത്ത രോഹിത് ശർമ്മ ഇപ്പോൾ നല്ല ഫോമിൽ അല്ല ഉള്ളത്.
എന്നാൽ മുംബൈ ഇന്ത്യൻസ് പ്ലേ ഓഫിലെത്തുകയാണെങ്കിൽ, മാൻ ഓഫ് ദ മാച്ച് നേടാൻ രോഹിതിന് ആകും എന്നും പ്ലേ ഓഫിലെ ഒരു ഗെയിമിൽ അദ്ദേഹമായിരിക്കും താരം എന്ന് ഞാൻ നിങ്ങൾക്ക് ഉറപ്പ് നൽകാം എന്നും രവി ശാസ്ത്രി സ്റ്റാർ സ്പോർട്സിനോട് പറഞ്ഞു.
ഇത് മറ്റ് ടീമുകൾക്ക് അപകട സൂചനയുമാണ്. രോഹിത് ഉണരാൻ പോകുന്നു, അവൻ ഒരു ദിവസം ഫോമിൽ എത്തി ബൗളർമാരെ ഒക്കെ അടിച്ചു പറത്തും. ഷോട്ടുകൾ കളിക്കാൻ അദ്ദേഹത്തിന് ധാരാളം സമയം ലഭിച്ചു. ഫോമിലേക്ക് അദ്ദേഹം തിരിച്ചുവരും. അതിൽ യാതൊരു സംശയവുമില്ല, ”അദ്ദേഹം കൂട്ടിച്ചേർത്തു.