പവര്‍പ്ലേയ്ക്ക് ശേഷം ചെന്നൈ ഓപ്പണര്‍മാരെ പുറത്താക്കി മികച്ച തിരിച്ചുവരവ് നടത്തി രാജസ്ഥാന്‍ റോയല്‍സ് സ്പിന്നര്‍മാര്‍. ഷെയിന്‍ വാട്സണെ രാഹുല്‍ തെവാത്തിയ പുറത്താക്കി 56 റണ്‍സിന്റെ ഓപ്പണിംഗ് വിക്കറ്റ് കൂട്ടുകെട്ട് തകര്‍ത്തപ്പോള്‍ മുരളി വിജയുടെ വിക്കറ്റ് ശ്രേയസ്സ് ഗോപാല്‍ നേടി.
56/0 എന്ന നിലയില്‍ നിന്ന് 58/2 എന്ന നിലയിലേക്ക് ചെന്നൈ സൂപ്പര്‍ കിംഗ്സ് വീഴുകയായിരുന്നു. ഷെയിന്‍ വാട്സണ്‍ 21 പന്തില്‍ നിന്ന് 33 റണ്‍സ് നേടിയപ്പോള്‍ മുരളി വിജയം 21 പന്തില്‍ 21 റണ്‍സ് നേടിയാണ് പുറത്തായത്. പിഞ്ച് ഹിറ്ററായി ഇറങ്ങിയ സാം കറന്‍ 6 പന്തില്‍ 17 റണ്‍സ് നേടി പുറത്തായപ്പോള്‍ 9 ഓവറില്‍ ചെന്നൈ 77/4 എന്ന നിലയിലേക്ക് വീണു.
കറനെ രാഹുല്‍ തെവാത്തിയയുടെ പന്തില്‍ സഞ്ജു സാംസണ്‍ സ്റ്റംപ് ചെയ്ത് പുറത്താക്കുകയായിരുന്നു. അടുത്ത പന്തില്‍ തെവാത്തിയ റുതുരാജ് ഗായക്വാഡിനെയും പുറത്താക്കി. സഞ്ജുവാണ് സ്റ്റംപിംഗ് നടത്തിയത്.
