ഇംഗ്ലണ്ട് – ഓസ്ട്രേലിയ പരമ്പരയിൽ നിന്ന് ഇന്ത്യൻ പ്രീമിയർ ലീഗിന് വേണ്ടി യു.എ.ഇയിലെത്തിയ രാജസ്ഥാൻ റോയൽസ് വിദേശ താരങ്ങളുടെ കൊറോണ ഫലം നെഗറ്റീവ്. രാജസ്ഥാൻ റോയൽസ് താരങ്ങളായ സ്റ്റീവ് സ്മിത്ത്, ജോഫ്ര ആർച്ചർ, ജോസ് ബട്ലർ എന്നുവരുടെ കൊറോണ ഫലമാണ് നെഗറ്റീവ് ആയത്. ഇതോടെ സെപ്റ്റംബർ 22നുള്ള രാജസ്ഥാൻ റോയൽസിന്റെ ഇന്ത്യൻ പ്രീമിയർ ലീഗ് മത്സരത്തിന് താരങ്ങൾ ഉണ്ടാവുമെന്ന് ഉറപ്പായി. ചെന്നൈ സൂപ്പർ കിങ്സിനെതിരെയാണ് രാജസ്ഥാൻ റോയൽസിന്റെ ആദ്യ മത്സരം.
അതെ സമയം ഓസ്‌ട്രേലിയൻ താരം സ്റ്റീവ് സ്മിത്ത് രാജസ്ഥാൻ റോയൽസിന്റെ ആദ്യ മത്സരത്തിന് ഉണ്ടാവുമെന്ന കാര്യത്തിൽ തീരുമാനമായിട്ടില്ല. ഇംഗ്ലണ്ടിനെതിരായ ഏകദിന പരമ്പരക്കിടെ തലക്ക് പന്ത് കൊണ്ട് സ്റ്റീവ് സ്മിത്ത് ഓസ്‌ട്രേലിയൻ ക്രിക്കറ്റ് ആരോഗ്യ സംഘത്തിന്റെ ഉറപ്പ് കിട്ടിയാൽ മാത്രമാവും ആദ്യ മത്സരത്തിന് ഇറങ്ങുക. അതെ സമയം കൊറോണ വൈറസ് ഫലം നെഗറ്റീവ് ആയെങ്കിലും താരങ്ങൾ 36 മണിക്കൂർ നിർബന്ധിത ക്വറന്റൈൻ പൂർത്തിയാക്കണം. ഇംഗ്ലണ്ട് – ഓസ്ട്രേലിയ പരമ്പരയിലെ ബയോ സുരക്ഷ സൗകര്യത്തിൽ നിന്ന് വരുന്നത്കൊണ്ട് താരങ്ങൾക്ക് 6 ദിവസത്തെ ക്വറന്റൈനിൽ നിന്ന് ബി.സി.സി.ഐ ഇളവ് അനുവദിച്ചിരുന്നു.
