ഇന്നലെ രാജ്സ്ഥാൻ റോയൽസിന് എതിരെ റൺസ് കണ്ടെത്താൻ പ്രയാസപ്പെട്ട കെ എൽ രാഹുലിനെ വിമർശിച്ച് രവി ശാസ്ത്രി. രാഹുൽ സ്ട്രൈക്ക് റേറ്റ് വർധിപ്പിക്കേണ്ട സമയം അതിക്രമിച്ചു എന്ന് രവി ശാസ്ത്രി പറഞ്ഞു. രാഹുൽ ഇന്നലെ പിച്ച് മനസ്സിലാക്കിയാണ് മെല്ലെ ബാറ്റു ചെയ്തത് എന്ന് പറഞ്ഞു. എന്നാൽ അത് ശരിയല്ല എന്ന് വ്യക്തമാണെന്നും രാഹുലിന്റെ വാക്കുകൾ താൻ കണക്കിൽ എടുക്കുന്നില്ല എന്നും രവി ശാസ്ത്രി പറഞ്ഞു.
“തീർച്ചയായും അദ്ദേഹം സ്ട്രൈക്ക് ഉയർത്തേണ്ടതുണ്ട്. നിങ്ങൾക്ക് രണ്ട് അവസരങ്ങൾ കളിയിൽ ലഭിച്ചു അങ്ങനെ ആകുമ്പോൾ നിങ്ങൾ 39 അല്ല നേടേണ്ടത്. ആ പന്തിൽ 60 റണ്ണോ അല്ലെങ്കിൽ 70 റണ്ണോ എടുക്കണമായിരുന്നു. അങ്ങനെ ബാറ്റു ചെയ്തിരുന്നു എങ്കിൽ 160 എന്നത് 175 ആയി മാറും.” രവി ശാസ്ത്രി സ്റ്റാർ സ്പോർട്സിനോട് പറഞ്ഞു.
കെ എൽ രാഹുലോ ആദ്യ മൂന്ന് സ്ഥാനങ്ങളിൽ ഇറങ്ങുന്ന ആരെങ്കിലും ആക്രമിച്ചു കളിക്കേണ്ടതുണ്ട്. രാജസ്ഥാൻ റോയൽസ് ടീമും നന്നായി കളിച്ചില്ല എന്നും ഇരു ടീമിനും ഒരുപാട് പഠിക്കാനും മെച്ചപ്പെടാനും ഉണ്ട് എന്നുൻ രവി ശാസ്ത്രി പറഞ്ഞു.
