പഞ്ചാബ് കിംഗ്സ് ബാറ്റിംഗ് നിരയെ 153 റൺസിന് പിടിച്ചുകെട്ടി ഗുജറാത്ത് ടൈറ്റന്‍സ്. ടീമിന്റെ പ്രധാന സ്കോറര്‍ ആയ ശിഖര്‍ ധവാനെ തുടക്കത്തിൽ തന്നെ പുറത്താക്കിയ ശേഷം മാത്യു ഷോര്‍ട്ട് (36),ജിതേഷ് ശര്‍മ്മ(25), സാം കറന്‍(22), ഭാനുക രാജപക്സ(25) എന്നിവര്‍ക്ക് ശേഷം 9 പന്തിൽ നിന്ന് 22 റൺസ് നേടിയ ഷാരൂഖ് ഖാന്‍ ആണ് പഞ്ചാബിനെ 150 കടത്തിയത്.
പഞ്ചാബ് ബാറ്റ്സ്മാന്മാര്‍ക്ക് ആര്‍ക്കും തന്നെ ടി20 ശൈലിയിൽ ബാറ്റ് വീശുവാന്‍ കഴിയാതെ നിന്നപ്പോള്‍ അഞ്ചാം വിക്കറ്റിൽ സാം കറനും ഷാരൂഖ് ഖാനും കൂറ്റനടികള്‍ക്ക് ശ്രമിച്ചാണ് പഞ്ചാബിനായി 8 പന്തിൽ നിന്ന് 21 റൺസാണ് നേടിയത്. മോഹിത് ശര്‍മ്മയാണ് ഈ കൂട്ടുകെട്ട് അവസാനിപ്പിച്ചത്.
ഷാരൂഖ് ഖാന്‍ 9 പന്തിൽ നിന്ന് 22 റൺസാണ് നേടിയത്.
