വ്യക്തിപരമായ കാരണങ്ങളാൽ വരാനിരിക്കുന്ന ടാറ്റ ഐപിഎൽ 2024 സീസണിൽ നിന്ന് ജെയ്സൺ റോയി പിന്മാറി. കൊൽക്കത്ത നൈറ്റ് റൈഡേഴ്സ് പകരം ഫിൽ സാൾട്ടിനെ സ്വന്തമാക്കി. കഴിഞ്ഞ വർഷം ഡൽഹി ക്യാപിറ്റൽസിനെ പ്രതിനിധീകരിച്ച താരമാണ് ഫിൾ സാൾട്ട്. ഐപിഎൽ ലേലത്തിൽ ആരും സാൾട്ടിനെ വാങ്ങിയിരുന്നില്ല.
അടിസ്ഥാന വിലയായ 1.5 കോടി നൽകിയാണ് കൊൽക്കത്ത നൈറ്റ് റൈഡേഴ്സ് സാൽട്ടിനെ വാങ്ങിയത്‌. ഇംഗ്ലണ്ട് വിക്കറ്റ് കീപ്പർ ബാറ്റർ കഴിഞ്ഞ വർഷം ഡിസംബറിൽ വെസ്റ്റ് ഇൻഡീസിനെതിരെ തുടർച്ചയായി രണ്ട് T20I സെഞ്ചുറികൾ നേടി ഞെട്ടിച്ചിരുന്നു. ട്രിനിഡാഡിൽ നടന്ന നാലാം ടി20യിൽ 48 പന്തിൽ നേടിയ സെഞ്ച്വറി ഇംഗ്ലണ്ടിനായി ടി20യിലെ ഏറ്റവും വേഗമേറിയ സെഞ്ചുറി കൂടിയാണ്.
