തന്റെ കുട്ടിക്കാലത്തെ ആഗ്രഹമായിരുന്നു രോഹിത് ഭയ്യയോടൊപ്പം ബാറ്റ് ചെയ്യുക എന്നത് എന്നും അത് ഇന്ന് സാധിച്ചുവെന്നും പറഞ്ഞ് തിലക് വര്മ്മ. തനിക്ക് ഇപ്പോള് ആ അവസരം ലഭിച്ചപ്പോള് അതിനോടൊപ്പം ഒരു മികച്ച കൂട്ടുകെട്ടും സാധ്യമായപ്പോള് സ്പെഷ്യൽ ഫീലിംഗാണുള്ളതെന്നും തിലക് വര്മ്മ വ്യക്തമാക്കി.
സാധാരണ മൂന്നും നാലും വിക്കറ്റുകള് വീണ ശേഷം മാത്രമാണ് തിലക് വര്മ്മ ബാറ്റിംഗിനെത്തുന്നത്. ഇന്നലെ ഇഷാന് കിഷന്റെ വിക്കറ്റ് നഷ്ടമായ ശേഷം വൺ ഡൗണിൽ തിലക് വര്മ്മയെ മുംബൈ ഇറക്കി.
രോഹിത്തും തിലകും ചേര്ന്ന് 68 റൺസാണ് രണ്ടാം വിക്കറ്റിൽ നേടിയത്. 139/1 എന്ന അതിശക്തമായ നിലയിലേക്ക് മുംബൈയെ എത്തിച്ച ശേഷം 41 റൺസ് നേടിയ തിലക് പുറത്തായപ്പോള് മുംബൈ അവസാന പന്തിൽ മാത്രമാണ് വിജയം കൈക്കലാക്കിയത്.